Дел од медиумите на албански јазик ја поставуваат дилемата дали освен Реџепи, и некои други пратеници од БЕСА ќе ја напуштат партијата.
Движењето БЕСА синоќа одржа состанок на Централното претседателство. Во соопштението испратено до медиумите се вели:
– Апелираме до актуелната власт СДСМ-ДУИ итно да престане со притисоците со сите можни форми што се вршат врз пратениците на Движењето БЕСА. За ова прашање ја информиравме и меѓународната заедница во оваа земја. Дејствијата за нарушување на професионалниот интегритет на пратениците и притисокот што се врши врз нив е уште еден доказ дека демократијата и слободното политичко дејствување во Северна Македонија се ставаат во опасност, се вели во соопштението на Движењето Беса.
Дел од медиумите на албански јазик ја поставуваат дилемата дали освен Реџепи, и некои други пратеници од БЕСА ќе ја напуштат партијата.
Парламентарното мнозинство има 59 пратеници во моментов. Иако се уште не го потврдил тоа, најверојатно, Кастриот Реџепи, кој не гласаше за недоверба на Владата, ќе се приклучи на парламентарното мнозинство.
Пратеничката од СДСМ, Славјанка Петровска, во одговор на новинарско прашање дали очекуваат Реџепи да влезе во мнозинството, изјави дека „ги делат заедничките вредности, па верува дека лесно ќе се најде на платформата на мнозинството во Собранието“.