Организацијата на земјите извознички на нафта (ОПЕК) и нејзините сојузници треба да се состанат овој четврток за да ги одредат нивоата на производство почнувајќи од мај – и бидејќи нестабилните цени на нафтата отидоа многу над 100 долари за барел, се очекува одлуката на групата да биде една од нивните највлијателна досега, пишува OILPRICE.
Сепак, пазарот главно претпоставува дека ОПЕК ќе се придржува до своето претходно планирано зголемување на производната квота од 400.000 барели дневно. И затоа повеќето проценки од релевантни фактори, се дека најновата одлука на ОПЕК нема многу да отскокнува од планираните за производство до 400.000 барели дневно за мај. Всушност, малку е веројатно дека ќе може да го зголеми производството дури и до 400.000 барели дневно иако повеќето мислат дека ќе се согласат, едноставно затоа што допрва требало да одговараат за сегашното ниво на квоти, а камоли за повисоко.
ОПЕК покажа дека не се заинтересирани да го спасат пазарот кој сега се бори со високите цени на сурова нафта, што се прелеа во високи цени на бензинот – што е загрижувачка реалност за администрацијата на Бајден. И покрај молбите од Г7, ИЕА, а конкретно Обединетото Кралство и Соединетите Американски Држави, Саудиска Арабија и Обединетите Арапски Емирати, им дадоа „лажно рамо на нафташите“ пишува OILPRICЕ.
– Очигледната неподготвеност на ОПЕК да пумпа повеќе не се однесува само на Русија. Обединетите Арапски Емирати се изјаснија против оние кои ја оцрнуваа нафтената индустрија во последните неколку години во потрагата по енергетската транзиција и ги казнуваат оние кои сега повикуваат таа индустрија да пумпа повеќе. Секој над 2-годишна возраст веројатно се сеќава на војната за цената на нафтата од април 2020 година, кога Саудиска Арабија и Русија почнаа да го преплавуваат пазарот со нафта, откако договорот на ОПЕК за намалување на производството падна, бидејќи коронавирусот ја намали побарувачката на нафта, доведувајќи ги цените до спектакуларен начин.
Амбасадорот на ОАЕ во Вашингтон претходно ги замати изгледите за состанокот, кога рече дека ОАЕ се залагаат за зголемување на производството и дека ќе го охрабрат ОПЕК да размисли за повисоки нивоа на производство. Но, набргу потоа, ОАЕ застанаа во одбрана на клучната улога на Русија во ОПЕК во она што многумина го видоа како предзнак за она што следи: Имено ОПЕК ќе продолжи да се потпира на благословот на Русија за какви било групни одлуки.
Последниот знак од ОАЕ се појави вчера, кога министерот за енергија на ОАЕ Сухаил Ал-Мазруеи рече: „Нема да додадеме ресурси ако пазарот е избалансиран, зашто ресурсите се на пазарот“.
Ова се надоврзува на претходните коментари на ОПЕК со кои се тврдеше дека денешните повисоки цени на нафтата не се прашање на основите на понудата и побарувачката, туку прашање на геополитиката..пишува OILPRICЕ.
ОАЕ и Саудиска Арабија, исто така, веројатно нема да го зголемат производството – единствените кои имаат можност да го сторат тоа во однос на капацитетот – без поддршка од групата бидејќи тоа би го прекршило договорот со ОПЕК , за кој толку напорно работеа за да се одржи.
Во голема мера се претпоставува дека Русија гласно би се противела на таквото зголемување на производството, над она што групата веќе го испланирала, пишува OILPRICE.