Даниел Крег: Мојата мисија е да ставам крај на „варварските“ касетни бомби кои убиваат Украинци

Поранешниот актер на Џејмс Бонд филмовите Даниел Крег, повикува да се стави крај на „бруталното“ оружје ширум светот и го критикува Кремљ што го употребувал во агресијата врз Украина.

Даниел Крег повика на прекин на употребата на касетни бомби ширум светот, бидејќи украинските цивили се соочуваат со немилосрдни напади од Русија, пишува британски Телеграф.

Крег ќе се обрати на конференцијата на Обединетите нации во Женева, со која претседава Обединетото Кралство за време на нејзиното претседавање со Конвенцијата за касетна муниција.

Конвенцијата за касетна муниција бара да се стави крај на производството, продажбата и складирањето на бомбите.