Вакцините на „Фајзер“ и „Модерна“ се најсоодветно решение за оние граѓани кои нема да развијат антитела по примена втора доза од вакцината на кинескиот производител „Синофарм“. Ваков став сподели за НОВА, епидемиологот Драган Даниловски. Тој вели дека не е погрешно овие лица да примат и трета доза од истиот производител, но подобро би било тоа да е некоја од помодерните вакцини произведени врз база на мРНА технологија.
„Впрочем, таква можност наговестуваа неодамна и официјални претставници од компанијата ‘Синофарм’. Според мене, повеќе држи тоа да биде ‘Фајзер’ или ‘Модерна’, зашто тоа се вакцини со висока имуногеност, а тоа е потребно кај постари лица со исцрпен имунолошки систем, за да се предизвика адекватен имун одговор“, вели за Нова професорот Драган Даниловски.
Од Министерсвото за здравство за сега немаат дефинитивен став по ова рашање. Оттаму ни одговорија дека Националниот комитет за имунизација ги прати препораките на светските регулаторни тела и оти официјален став по ова прашање ќе прецизираат следниот месец.
И директорот на Имунологија, Александар Петличковски, за медиумите вели дека не е исклучена можноста овој проблем да се надмине со втора ревакцина од различен производител и состав.
„Во однос на примањето на две различни вакцини против ковид 19, Петличковски смета дека не би требало да се појави некој сериозен проблем по мешање на дози од различни вакцини“, рече Петличковски во интервју за „Локално“.
Сепак, докторите апелираат граѓаните да не брзаат со испитувањето на ниво на антитела во организмот бидејќи вакцините од различен производител бараат и различен временски париод за да создадат имунолошки одговор. Токму испитувањето на антитела е нешто што стана навистина популарно со корона пандемијата и за што се водат опсежни дебати на социјалните мрежи.
И имунизолите се согласни дека интересот за испутување на антитела на Институтот на имунологија и хумана генетика е голем, но она што според докторите е многу важно е клеточниот имунитет кој се создава по примена вакцина, а кој е клучен во борбата со корона пандемијата.
Веројатноста граѓаните да се разболат по примена вакцина не е исклучена, но сепак докторите гарантираат дека болеста не биде блага и без сериозни последици по здравјето.
Во меѓувреме, Министерството за здравство објави податоци според кои дури 22 пациенти кои примиле барем една доза од вакцината починале како последица од Ковид 19 во С. Македонија, а вирусот го фатиле 664 вакцинирани граѓани.
„Од вкупниот број на заразени после вакцинација 664, 456 се потврдени како позитивни во првите 14 дена од датумот на вакцинација, што укажува на фактот дека најверојатно веќе биле во период на инкубација во моментот кога ја примиле вакцината. Од вкупниот број на починати лица 22, 17 се во првите 14 дена од датумот на вакцинација, кои најверојатно биле во период на инкубација во моментот кога ја примиле вакцината“, информираат од Министерството за здравство.
Докторите се погласно коментираат дека анти ковид вакцината има тенденција да стане редовна, сезонска вакцина како онаа за сезонски грип. Но, според директорот на Имунологија, тоа би се знаело дури следната година.
До сега во С. Македонија се вакцинирани над 220.000 граѓани, а интерес за вакцинација изразиле 400.284 граѓани. Близу 50 отсто од повозрсните граѓани на над 70 години примиле барем една доза од анти корона вакцината, покажуваат бројките на Министерството за здравство.
Билјана Божиновска