– Епидемијата е под контрола, имаме рекордно високо ниво на вакцинација, изјави данскиот министер за здравство Магнус Хеунике, информирајќи дека од десетти септември ќе ги укине сите мерки за забрана за ширење и превенција од корона вирусот.
Данска има едно од највисоките нивоа на имунизација против Ковид-19 во светот, со четири од пет Данци над 12-годишна возраст целосно вакцинирани. Затоа, Владата повеќе не го класифицира Ковид-19 како „болест критична за општеството“.
– Владата вети дека нема да ги поддржи овие мерки подолго отколку што е потребно и ние сме сега во таа ситуација. Но, дури и ако моментно изгледа се добро, ние се уште не сме излезени од епидемијата, истакна министерот Хеунике.
Според него, доколку се влоши ситуацијата би можело повторно да бидат воведени рестриктивните мерки.
Бројот на пациенти во данските болници со Ковид-19 вчера изнесуваше 127. Вкупниот број на смртни случаи од почетокот на пандемијата достигна 2.573 лица.