Првиот човек на МОСТ, Дарко Алексов на прес-конференцијата за изборите објави дека во понеделникот невладината организација била посетена од финансиска инспекција, која им дала неколку дена да ја средат документацијата, за подоцна да биде разгледана од инспекторите.
– Во понеделникот имавме состанок со Финансиската полиција на кој разговаравме со инспекторите. Коректно и прецизно ни побараа да ја подготвиме нашата документација и ни дадоа неколку дена за да ја доставиме. „Мост“ работи во согласност со законските прописи и ги почитува законите на Македонија, изјави Алексов.
Но, овој потег на инспекцијата беше критикуван од страна на белгискиот експерт Питер Ванхауте на својот профил на социјалната мрежа Твитер:
– Награда за Владата што испраќа финансиска инспекција за да замолчи невладина организација која има критички став кон организирањето избори, напиша денеска
Твитот содржи и фотографија на која е прикажана мачка на наводна монета од рубља на која асоцијативно стои Република Белорусија.