Published: Tuesday, September 13, 2016 10:45
Дел од жителите на Скопје втора ноќ од страв од нови земјотреси спиеја кај роднини во куќи, викендички, дел заминаа кај роднини во други градови, а некои ноќта ја минаа во шатори во парковите или пред зградите низ Скопје.
Еден таков привремен камп е стациониран во паркот пред американската амбасада во Скопје под Кале. Најголем дел се жители од трошните куќи во Топанско Поле, кои се плашат да се вратат назад во своите домови.
Луѓето спијат во шатори, на душеци, некои на ќебиња на тревата. Цели фамилии со деца, стари луѓе и утрово и покрај тоа што имаше мирна ноќ во Скопје, се уште не се враќаат во куќите.
Освен овде пред американската амбасада, вакви импровизирани кампови има и Чаир, а некои одлучија ноќта да ја поминат во своите возил.
