Published: Friday, July 29, 2016 11:27
По усвојувањето на законите за имплементација на анекс договорот од Пржино, формално правно се отворат можности за создавање услови за организирање на избори до крајот на 2016 година, но решенијата во законите се контроверзни, смета Демократскиот Сојуз.
-Дел од нив спротивни на демократските принципи (уредникот на МТВ да го бираат партиите…), некои не се во согласност со Уставот и сл., но тие се одраз на политичката криза и отпорите на власта да не се менува ништо, затоа што промените значат отворање на круцијалното прашање за одговорноста на креаторите на кризата.
Без да се утврди одговорноста за масовното прислушување, кршењето на изборните правила и докрај да се расчистат сериозните сомневања за тешки облици на криминал, нема да има услови за фер, демократски и кредибилни избори.
Огромна одговорност имаат судовите кои досега се една од најслабите карики во системот на институции надлежни за обезбедување на правда и владеење на правото, се вели во партиското соопштение.
Според Демократскиот сојуз, ДИК треба заедно со МВР да го прочисти избирачкиот список и да не чека тоа да го направи некој друг.
-Од ДИК зависи дали ќе има избори и промени, како битни предуслови за стабилизација на државата, велат од партијата.