„Демони“ на Васил Христов наградена за најдобра режија во Сараево

НУ Народен театар – Битола од фестивалот „Дани Јурислава Коренича” во Сараево која се одигра на 23-ти декември се врати со наградата за најдобра режија ,,Јурислав Корениќ” која оди во рацете на Васил Христов за претставата „Демони”.

Народен театар Битола во Сараево последно се претставил во 2005 год. на фестивалот Месс со претставата ,,Тимон од Атина”. По 17 години се врати повторно пред сараевската публика со претставата ,, Демони”.

Претставата „Демони“ е баран и наградуван театарски проект на НУ Народен театар-Битола, кој веќе е виден на Охридско лето, МОТ и фестивалот „Ристо Шишков“, а со фестивалски одличја за најдобри актерски остварувања наградувани се Илина Чоревска и Огнен Дранговски, како и режисерот Васил Христов.