Македонија ја напуштија 600 000 лица, од кои голем дел се млади и тие би се вратиле само во слободна земја, порачаа на денешниот протест демонстрантите на Шарената револуција.
Со водечки транспарент „Младите си отидоа, партијата се вработи“, колоната од демонстранти тргнувајќи од Специјалното обвинителство, ги посети Агенцијата за вработување и Министерството за економија, каде завршија десети балони со боја.
-Алтерантивата за сите млади луѓе кои би сакале да бидат вработени и да не се во црната листа на евиденција, би била да најдат некоја бедна работа во странските инвестиции многу познати како оази на експлоатацијата и робовладетелството. Нашата владејачка елита нив им дава разно разни погодноти на тие експлоататори. Да се запрашаме кој овде работи за странските фактори и странските служби – нивната омилена реторика?, порача Дејан Лутовски – член на Левица.
Еден од присутните демонстранти, кој е инаку на студиски престој во странство, вели дека македонската младина е желна за работа.
-Ние младите мораме да бидеме суштински дел од кој било систем. Македонската младина е паметна, желна за успеси. Овие месеци се сретнав со многу мои другарки кои заминаа. Мислите дека им е лесно да работат неквалификувана работа, а тука беа првенци на генерација?
Но, не има и во најуспешните корпорации во светот. Ако сме способни да водиме таму, тогаш способни сме да водиме и тука. Ако не се избориме за слободата овде, тогаш каде? Ако не се избориме за демократијата сега, тогаш кога? Ако не се избориме за обединетите, тогаш како? Ако не ние, тогаш кој? порача тој.
Дел до говорниците се осврнаа и на проектот „Скопје 2014“, за кој, како што велат, власта не носи во некои барокни времиња, наместо да оди напред со младите.
Протестот по два часа марширање низ скопските улици и одржаните говори заврши мирно.Демонстрантите се разотидоа со поздравот „Се гледаме утре во шест пред СЈО“.
Граѓаните кои еден месец протестираат на улиците во повеќе градови во земјава . Обединети под движењето #Протестирам бараат повлекување на одлуката за аболиција и оставка на претседателот Ѓорѓе Иванов, формирање на специјално одделение на Кривичниот суд за предметите на Специјалното јавно обвинителство, како и повлекување на одлуката за одржување на парламентарни избори на 5 јуни. Дел од барањата се и вклучување на граѓанското општество во решавање на кризата и формирање на преодна влада.