Со транспарент „И јас се потпишувам“, демонстрантите на Шарената револуција денешниот протест го посветуваат на односот на МВР кон граѓаните кои фрлаат боја на протестите, со тоа што незаконски ги снимаат и потоа ги повикуваат на распит.
Масичка со изјави во кои секој доброволно се пријавува дека учествува и фрла боја по објектите за време на Шарената револуција, во моментов е поставена пред СЈО каде демонстрантите масовно ги пополнуваат. Воедно тие ги потпишуваат и документите дека прифаќаат бесплатна правна помош од адвокатот Ѕвонко Давидовиќ во текот на распитот за наводните прекршоци. Демонсрантите во моментов се уште се пред Специјалното јавно обвинителство, од каде и вечерва ќе почне нивниот марш низ центарот на Скопје.