Скопскиот Кривичен суд денеска треба да ја соопшти пресудата за настаните во кумановската Диво насеље во мај 2015 година во кои загинаа осуммина припадници на македонските безбедносни сили.
Пресудата за овој случај требаше да биде донесена на 17 октомври, но беше одложена поради локалните избори на барање на МВР.
Пред судот се собрани роднините на обвинетите.
Обвинителството побара доживотен затвор за сите 37 обвинети за тероризам и терористичка организација. Адвокатите на обвинетите, пак, бараат ослободителни пресуди, бидејќи според нив има недостаток на докази за стореното кривично дело.
Министерот за внатрешни работи Оливер Спасовски најави дека за случајот Диво насеље ќе се отвори и меѓународна истрага.
Судењето на обвинетите помина со многу контроверзни изјави, а во текот на рочиштата беа споменувани имиња на високи политички функционери меѓу кои и Сашо Мијалков, Гордана Јанкуловска, Али Ахмети, Никола Груевски и Артан Груби, за кои обвинетите бараа да се ослушаат како сведоци, но нивните барања беа одбиени.
Две години од Диво Насеље: Се уште е тајна кој ја жртвуваше полицијата
На 9 и на 10 мај 2015 година, во кумановската Дива населба вооружена група се судри со безбедносните сили. Во престрелката загинаа осум полицајци од специјалните и од посебните единици на МВР, додека четириесетина беа тешко повредени. Убиени беа и десет лица од вооружената група.
https://www.facebook.com/RSEMK/videos/10155420944453725/
*(Видеото е преземено од Радио Слободна Европа)
МВР соопшти дека поради одржување на судското рочиште за „Дива населба“ сообраќајот околу зградата на Основниот суд Скопје повремено ќе биде пренасочен.