Денеска пратениците се враќаат од одмор и почнуваат со работа во Собранието на Република Македонија. Тие денеска ќе расправаат на седница на Комисијата за надзор над работата на Управата за безбедност и контраразузнавење (УБК) и на Агенцијата за разузнавање (АР).
Како што информираат од Собранието, на дневен ред на Комисијата се извештаите за работата на УБК и на АР за 2016 година.
Попладне е закажана и средба на членовите на Комисијата за одбрана и безбедност со делегација од Велика Британија, предводена од вишиот советник за одбрана и безбедност на Одделението за стабилизација, Стивен Гловер.
Првата пленарна седница во Собранието по одморите е закажана за 4 септември, а на дневен ред, меѓу другите точки, е и предлогот на Владата за распишување оглас за именување нов државен јавен обвинител.