Во Кривичниот суд денеска треба да продолжи судењето на обвинетите за обидот за убиство на пратеникот Зијадин Села, што се случи на 27 април минатата година во Собранието на Република Македонија.
На претходното рочиште во понеделникот, за нападот врз Села и за случувањата во Собранието сведочеа пратеникот Мухамед Зекири и полицајците Абдулфетах Алими и Игор Јанакиев.
Сведоците освен што препознаа неколкумина од насилницте од 27 април во судницата, изнесоа грозоморни детали од насилствата. Притоа сите укажуваа на тоа дека насилницте имале намера физички да се пресметуваат со пратениците и владините функционери, а на некои им се заканувале и со ликвидација.
Во овој случај обвинети се Кире и Цеко Ѓорѓиевски, Оливер Ошавковски, Саша Сенков, Николче Димитриевски, Александар Јаневски – Тошта, Андреј Мицов, Никола Војминовски, Коста Делов и Стојан Павловски – Кобра. Обвинетите за обид за убиство на пратеникот Зијадин Села на претходите рочишта се изјаснија за невини.