Абдулфетах Алими денеска даваше исказ на рочиштето за случајот во кој се обвинети 10 лица за обид за убиство на Зијадин Села во настаните од 27 април.
-Во салата во која се одржуваше прес-конференцијата видов бесни демонстранти кои со тврди предмети гаѓаа кон пратениците. Слушнав како велеа дека бараат албанска крв меѓу кои и на Зијадин Села, Талат Џафери и Зоран Заев. Ние се обидовме да ги заштитиме, но ситуацијата излезе од контрола“, изјави Алими, кој во моментов се наоѓа во притвор.
Тој препозна и посочи еден во судницата покажувајќи на обвинетиот Александар Јаневски Тошта.
-Еден од насилниците беше качен на стол и имаше фантомка на главата. Тој даваше команда кој да се нападне. Имаше уште еден кој бараше албанска крв, тој беше во црна маица и немаше маска, изјави сведокот.
Тој го препозна и Кире Горгиевски, за кого рече дека тоа е насилникот без маската.
-На Заев му викаше дека е продадена душа, предавник и мал шиптар, рече сведокот зборувајки за обвинетиот Кире Георгиевски.
Тој додаде и дека човекот со фантомка повикувал да се убие Села.
-Насилниците ме прашаа кој сум јас. Јас реков дека сум обезбедувач на Собранието. Тогаш, препознавајки го начинот на кој зборувам, рекоа овој е шиптар по што ме удрија три пати. Тогаш колегата ме спаси и ме извлече и им рече на насилниците немојте тој е нас, рече сведокот.
На денешното рочиште исказ даваше и Мухамед Зеќири кој беше присутен во прес-салата, дента кога демонстрантите насилно влегоа и ги нападнаа пратениците во Собранието на РМ.