РКЕ додава дека доколку УХМР достави прогноза во која се предвидува средна надворешна температура за следниот ден да е помала или еднаква на 12 степени Целзиусови, топланите се должни да испорачуваат топлинска енергија до потрошувачите.
Регулаторната комисија за енергетика и водни услуги (РКЕ) информира дека денеска завршува редовната грејна сезона, како и дека доколку има поладни денови до крајот на месецов на дневно ниво ќе се одлучува дали ќе има греење и тоа врз основа на прогноза на Управата за хидрометеоролошки работи.
–Регулаторната комисија за енергетика и водни услуги (РКЕ) ја информира јавноста дека согласно Правилата за снабдување со топлинска енергија заклучно со денеска 15 април завршува редовната грејна сезона. Во останатите денови до крај на април, согласно Правилата со цел да им се овозможи комфор на граѓаните доколку има поладни денови, ќе се одлучува на дневно ниво дали ќе има греење врз основа на прогноза која УХМР ја доставува, се вели во соопштението од РКЕ.
Во него се додава дека доколку УХМР достави прогноза во која се предвидува средна надворешна температура за следниот ден да е помала или еднаква на 12 степени целзиусови, топланите се должни да испорачуваат топлинска енергија до потрошувачите.
УХМР: Од недела до вторник и до минус 3 степени, а максималните од 8 до 12
УХМР прогнозира дека од недела ќе застуди, со минимални температури од 4 до 8 степени Целзиусови, а максимални од 4 до 10 степени. Во вторник ќе биде најстудено, и до минус 3 ќе се ќе се спушти минималната температура, а максималната дневна од 5 до 12 степени.
Значи дека во сите три дена ќе бидат исполнети условите топланите да испорачуваат топлинска енергија до потрошувачите.