Предметите од СЈО ќе продолжат во Јавното обвинителтво. Ова им ги помати сметките на оние кои сакаа СЈО да пропадне и да стане институција без иднина. Ваквите замисли направија штета, но пропаднаа, рече министерката за права Рената Дескоска на конференцијата на тема ,,Градење на институционалните капацитети на истражниот центар“ што се одржува во ЈО.
„Трансферот на предмети кој се случува им ги помати сметките на оние кои посакуваа после 15 септември да нема Специјален јавен обвинител, да нема некој кој ќе ги заврши предметите, да постои институција со заглавени, незавршени предмети уште една година. Тој план направи штета – но пропадна. Сега е веќе извесно дека предметите на СЈО ќе имаат завршница со нивното пренесување во републичкото Јавно обвинителство. Целосно се тргна и можноста за било какво негативно влијание од мислењето на Врховниот суд. Сепак, правниот систем покажа дека функционира, дека постојат механизми кои оневозможуваат блокада. Затоа е бесцелно неконструктивното однесување на било кој во процесот на носење на законот. “ рече потенцираше министерката за правда.
Дескоска додаде дека законот за јавно обвинителство сега не е нужен затоа што гарантирана е завршница на сите предмети на СЈО, но треба да се донесе за да се исполнат обврските од Стратегијата за реформа во правосудниот систем .
Денеска започна процесот на предавање на материјалите од СЈО во Јавното обвинителство.
Љубомир Јовески рече дека очекува до крајот на денот Јавното обвинителство да ја преземе надлежноста врз сите предмети.