Кога ќе се одржи седница на Собранието зависи од тоа кога ќе пристигне предлог програмата и предлог составот за нова влада, вели претседателот на Собранието Талат Џафери во интервју за НОВА, дадено во Брисел за време на официјалната посета и средбите со претставниците на ЕУ.
– Тогаш настапуваат моите обврски и на Собранието дека и во рок од 15 дена треба да свикам седница. Тоа не мора да биде крајниот рок, 15 ден, туку тоа се процедурални околности пропишани со Деловниот. Мислам дека Иванов ќе ретерира овој пат и дека е свесен дека по изборот на претседател на Собранието престануваат неговите надлежности во смисла на, условно кажано, грижата за нештата во демократскиот систем на парламентарната демократија. Во таа смисла Иванов само би попречил, да го искористи тој период од 10 дена и да остане запаметен во историјата на политичкиот живот во РМ дека не ги извршил своите обврски, вели Џафери.
Целосното видео интервју со собранискиот спикер за НОВА направено во Брисел следува подоцна…