-Мислам дека никој не треба да се чувствува загрозен од знамето, бидејќи тоа се наши симболи,  на припадноста, а од институционален аспект мислам дека државното знаме се наоѓа на вистинското место каде што припаѓа и сите ние се идентификуваме со тоа  кога сме носители на функција,, вели новиот претседател на Собранието Талат Џафери во интервју за НОВА, одговарајќи на големиот број реакции во јавноста на поставувањето на албанското знаме, заедно до државното и она на ЕУ на работната маса во неговиот Кабинет.

Тој додава дека ги разбира сите реакции, но по случувањата на 27 април, смета дека дека сите треба да разбереме дека „ни знамето ни политичките програми на политичките партии на Албанците не се тие што влијаат врз политчкиот живот во РМ, бидејќи се во согласност со Уставот и законите во РМ и со ништо не се загрозуваат.

-Фактот што и припаѓам на заедницата, на албанскиот народ пропишан во Уставот сметам дека од личен аспект тоа сум го направил како лично чувство, како припадност на граѓанинот Талат Џафери, во однос на функцијата што ја преземам не загрозувајќи ги во ниту еден момент надлежностите на претседателот на Собранието, вели Џафери за НОВА, за време на посетата на Брисел.

Целосното видео интервју со собранискиот спикер за НОВА направено во Брисел следува подоцна…