Новак Ѓоковиќ и Роџер Федерер со години се наоѓаат на врвот на светскиот тенис. Спортот со кој се занимаваат бара многу енергија, па затоа и специјалниот начин на исхрана што го практикуваат. Овој месец играа за титулата на Вимблдон и на централниот терен останаа, речиси, пет часа. Маратонскиот меч во пет сета на крајот му припадна на српскиот тенисе, но и двајцата покажаа неверојатна сила, ментална стабилност и издржливост за што, секако, има влијание и изборот на намирници што го внесуваат во организмот.
Ѓоковиќ во 2010 година прифати на нов режим на исхрана што придонесе и за неверојатниот подем во тенискиот спорт. Се трансферира во гладијатор на теренот на кој може да остане и по шест часа и на крај да победи. Оттогаш се придржува до осум свои правила што може да се најдат и во неговата книга „Сервирај за победа“, но не сака за себе да каже дека е вегетаријанец.
„Такво етикетирање не сакам. Да, точно, јадам растителна храна веќе неколку години наназад меѓутоа поради можни злоупотреби и погрешни толкувања, не ми се допаѓа да се нарекувам вегетаријанец“, вели Ѓоковиќ.
Ова се осумте правила во исхраната на Новак Ѓоковиќ
- Нема глутен и млечни производи
- Употребата на шеќер е на минимум
- Во основа на неговото мени е овошје, зеленчук, грав, риба, јаткасти плодови, семки, леќа и здрави масла
- Со години не конзумира црвено месо
- Најголем дел од неговото мени е од растително потекло
- Храната се џвака што подолго за да може подобро да се свари
- Треба да се најде баланс меѓу храната и потребите на организамот и да се внесува она што е потребно и кога е неопходно
Федерер, пак, е спротивност од Ѓоковиќ. Инетресен факт за Швајцарецот е дека порасна како вегетаријанец, а месо во својата исхрана го уфрли на 16 годишна возраст. Себеси се опишува како гурман и за храната размислува по принципот на умереност. Неговите појадоци се богати со јаглехидрати за задоволување на потребите на организмот за цел ден. Ручекот по правило е високопротеински оброк за позитивно влијание врз мускулатурата додека вечерите се лесни.
„Секогаш обрнував внимание што јадам. Храната може да има важна улога пред, за време и по меч. Пораснав помалку како вегетаријанец, но среќен сум што се може да јадам. Одвреме-навреме одам кај нутриционист, но нема големи лудории во менито“, истакна Федерер.
Ова се шесте правила на исхрана на Федерер
- Обожува пица, но најдобар оброк пред мечевите во последните 20 години од кариерата е паста
- Чаша цеден со појадок е задолжително
- По секој појадок пие филџан оцет
- Тестенина со лесен сос на два часа пред натпревар
- Јаде на секои два-три часа
- За време на тренинзите и мечевите јаде енергетски плочки и банани