Македонија се надева дека направила доволно да ја убеди ЕУ да почне пристапни преговори во момент кога веќе 25 години продолжува спорот со Грција, изјави за Ројтерс, македонскиот министер за надворешни работи Никола Димитров.
– Доколку оствариме доволно во смисла на реформи дома, се надеваме дека ќе го достигнеме стадиумот за преговори за членство во ЕУ, и истовремено ќе постигнеме договор за прашањето за името, изјави Димитров.
Според него, до членство во НАТО треба да се стигне со преговори. Димитров вели дека е потребно „Атина да ја види Македонија како сојузник…На долг рок тоа е и во интерес на Грција да има сосед држава во која владеат закони, изјави Димитров.
Тој вели дека Грција не го прифатила веднаш минатомесечниот предлогот на Македонија, Атина да го употребува името Поранешна Југословенска Република Македонија во другите меѓународни тела.