Ќе сториме се што можеме за да го решиме прашањето за името со Грција, изјави македонскиот министер за надворешни работи Никола Димитров за грчката државна новинска агенција АНА МПА. Според него, важно е да се создаде позитивна рамка и да се излезе од браздите на историјата, бидејќи нашата историја не може да се промени, но може да влијаеме на нашата иднина, и оваа иднина ќе биде и заедничка и европска, вели Димитров, одговарајќи на прашањето дали може да види решение за проблемот во блиска иднина.
– Денеска сакам да останам на „големата слика“. Со цел да го решиме прашањето за името – и ние се разбира ќе направиме најдобро што можеме за да го решиме. Важно е да се инвестира во оваа насока. Ако постои национален интерес заеднички за сите земји, вклучувајќи ги и нашите, тоа е како да се направи најдобро за иднината на нашите граѓани. Ние сме на вистинскиот пат.