Пратеникот и координатор на пратеничката група на ВМРО ДПМНЕ на денешната прес конференција по повод итната собраниска седница за поплавите изјави дека е нецивилизациски и неоговорно сега да се зборувале за политичка одговорност за поплавите. Оваа изјава дојде по новинарско прашање дали некој ќе сноси политичка одговорност за сето ова што се случи.

Е ова е тој контекст за кој што зборувам дека е нецивилизациски и неодговорен во вакви моменти. Мислам дека повеќе треба да дискутираме во овие моменти како да помогнеме на луѓето, има време секогаш да се дискутира за тоа. Начелно она што го имам јас како информација во поглед на превземени активности последните десет години за чистење канали, за градење на инфраструктура, средствата кои што се трошат од државниот Буџет и од буџетот на Општините се неколкукратно поголеми отколку било кога досега, но нема да навлегувам понатаму со одговор заради тоа што мислам дека не смееме во тој контекст да ја водиме во овој момент расправата, рече тој.

На денешната прес конференција Димовски повика седницата на Собранието да не биде злоупотребена за ситно политиканство.

Во исто време, би сакале многу одгворно да апелираме седницата на Собранието на Република Македонија да не биде злоупотребена во смисла на ситни политички препирки или подместувања заради тоа што на Република Македонија и на граѓаните во овој момент апсолутно не им е потребна дневна политика туку им е потребна помош за справување со последиците од оваа катастрофална непогода која што ја зафати дел од Општина Гази Баба.