Иницијаторот на проектот за регионална лига, Васко Дојчиновски, тврди дека УЕФА дала зелено светло за регионална лига на шест земји од поранешна Југославија, но од хрватските клубови и Хрватскиот фудбалски сојуз (ХНС) стигнуваат информации дека не се заинтересирани за такво нешто, односно, дека немаат никакви конкретни информации. Ова денеска го јавуваат медиумите во Хрватска.
Регионалната фудбалска лига треба да почне во 2018 година, договорено е на низа состаноци на претседателите на фудбалските сојузи на земјите од поранешна Југославија.
Идејата е во лигата да учествуваат 24 клуба од Хрватска, Словенија, Босна и Херцеговина, Србија, Црна Гора и Македонија и дека пред нокаут фазата, ќе се игра во групна фаза од по четири клуба во секоја група. УЕФА веќе обезбеди таква лига.
Иако од Фудбалската федерација на Македонија (ФФМ) кој го креираше планот за таква лига, тврдат дека се заинтересирани другите сојузи и клубови, од Динамо Загреб порачуваат дека во таква лига не сакаат да учествуваат.
„Можеме само начелно да кажеме дека на Динамо му е приоритет хрватската луга и дека нас оваа регионална лига, особено во оваа форма која се спомнува во медиумите, со клубови исклучиво од подрачјето на поранешната држава, едноставно не не интересира“, изјавија денеска од Динамо за хрватскиот портал „Индекс“, додека во Хајдук уште не сакаат да коментираат за играње во таква лига, затоа што досега никаков проект не им е презентиран.
„За било што во таа насока, Хајдук може да зборува кога ќе добие службени информации. До овој момент се што знаеме, е тоа што го читаме во медиумите. Ни на едно ниво од клубот, никој со нас не контактирал за нешто поврзано со регионални натпревари, нити за нас нè извести хрватската национална лига,“, велат од Хајдук.
Од Риека, моментниот лидер во првата хрватска лига, за „Индекс“ изјавиле дека денеска ќе се изјаснат за своето учество во лигата.
Од ХНС велат дека ќе се прилагодат на советите од УЕФА, но како што пренесуваат хрватските медиуми, „Македонците тврдат дека сите сојузи, вклучувајќи го и ХНС, веќе се согласиле за почеток на регионална лига“.