Снабдуањето со електрична енергија се одвива непречено, а струја има за сите, вака дииректорот на АД ЕЛЕМ, Христијан Мицкоски, се брани во писмена изјава откако СДСМ обвини дека граѓаните се оставени без струја на минусните температури, а телевизијата 24 вести објави дека еден од блоковите на РЕК Битола не е во употреба поради што ноќва биле увезени 400 мегават часови струја.
Тој тврди дека Македонија е пред предизвик, исто како што е и цела Европа поради минусните температури.
Ние сме сега пред еден сериозен предизвик и не само ние, туку и цела Европа. Имаме вонредни временски прилики при што во текот на вечерва температурата во Македонија падна и под 25 степен под нулата, во Скопје беше околу -23. Сите чинители во електроенергетскиот систем сме подготвени, рече дирекиторот на АД ЕЛЕМ.
Минатите два дена ЕВН информираше дека имале голем број на интервенции и во западна и во источна Македонија каде што немало струја. Жителите на битолската населба „Баир“ дури и го блокираа магистралниот пат Прилеп – Битола бидејќи беа оставени без струја на празниците.
СДСМ: Власта нека каже зошто граѓаните се оставени без струја
Социјалдемократскито сојуз на Македонија (СДСМ) излезе со соопштение во кое ја критикува власта поради прекините со струја и велат дека со увозот власта сака да ги сокрие направените грешки во енергетските политики.
Во интерес на навремено информирање, бараме Владата во заминување веднаш да им соопшти на граѓаните дали ги остави без струја! Дали има сериозен ризик домакинствата да останат без струја, затоа што е драстично намалено домашното производство на струја?
Тие велат дека според нивните информации состојбите се сериозни и граѓаните имаат право да знаат кој е виновен што Македонија е речиси без струја и колку ќе чини увозот.