Генералниот директор на ЕСМ Васко Ковачевски во студио 10 на Телевизија 24 рече дека, производството на електрична енергија е стабилно и сигурно и покрај постарите капацитетите со кои располагаме. Ова се должи токму на тоа што е вршен редовен сервис, редовно одржување и ремонтирање на опремата и нашите капацитети се едни и подобро одржуваните во регионот. Во делот на предвидливоста ЕСМ се максимално подготвени да испорачаат електрична енергија.
Тој напомена дека тоа што фирми се префрлиле од слободниот на регулираниот пазар, каде што струјата е наменета за домаќинствата и малите потрошувачи, не ја зголемило потрошувачката бидејќи во октомври и почетокот на ноември имавме потопло време. Меѓутоа, порача дека тие треба што побрзо да се вратат на слободниот пазар и вели дека се добри најавите за воведување блок-тарифи на регулираниот пазар и за фирмите, исто како што беше направено со домаќинствата, па на таков начин оние што трошат повеќе – ќе плаќаат повеќе, па на големите компании нема да им биде од корист да бидат на регулираниот пазар.
Во втората половина на декември треба да се направи пресметка за цената не електричната енергија на регулираниот пазар. Цената ќе ја формираме спрема ЕВН Хоум и следствено на тоа РКЕ ќе донесе одлука за новата цена за периодот од 1 јануари до 30 јуни. Даночната стапка се зголемува за 10 проценти. Се бараат начини кои нема да дозволат зголемување на цените. Блок тарифите за докмаќинставата носат резултати. Сите домаќинства и малите порошувачи добиваат електична енергија 80 посто субвенционирана од државата. Ако бидат цените реални, граѓаните ќе плакаат 5 пати повисоки сметки. Tенденцијата е да нема зголемување на цената на струјата, во ваква енергетска криза, колку што може ЕСМ ќе направи за да влијае.
Рестрикции на струјата, рече тој, не се опција и не се предвидени во овој период на годината.