Нови 37 лица со ковид-19 се регистрирани во земјата во последните 24 часа, две лица починаа и 15 оздравеа, соопшти Министерството за здравство. Вкупната бројка за заболени пациенти со коронавирус во Македонија сега изнесува 1.207.
„Починати се двајца пациенти кои беа позитивни на ковид-19. На Клиниката за инфективни болести и фебрилни состојби почина пациент од Скопје на возраст од 66 години и во ГОБ „8 септември“ почина пациент од Штип на возраст од 83 години. И двајцата беа со претходни коморбидитети, појаснуваат во соопштението од МЗ.
Институтот за јавно здравје (ИЈЗ) денеска регистрира 15 излекувани пациенти од кои шест од болничко лекување и девет кои се третирале во домашни услови.
Во изминатите 24 часа се потврдени се 37 нови случаи на ковид-19 и тоа во Скопје 8, во Куманово 9, во Прилеп 5, во Тетово 3, во Велес 3, во Охрид 8 и во Кочани 1. Со ова вкупната бројка на дијагностицирани пациенти со ковид-19 во нашата земја изнесува 1207.
Најголем дел од нив се лица од Скопје – 409, потоа следуваат од Куманово – 329, пациенти, од Дебар – 51, од Штип – 32, од Прилеп – 117, од Тетово – 55, од Струга – 55, од Велес – 58, од Битола – 17, од Охрид – 15, од Кавадарци – 4, од Гостивар – 12, од Гевгелија – 4, од Струмица – 2, од Крива Паланка – 4, од Радовиш – 4, од Крушево – 3, од Кочани – 27, од Пробиштип – 2, од Кичево – 2, од Неготино – 2, од Демир Хисар – 1 и Македонски Брод – 2.
Во изминатото деноноќие, се подвлекува во соопштението од МЗ, се направени 314 теста. Преку ИЈЗ – 222, преку Ветеринарен факултет – 0, преку „Авицена“ – 3, преку „Биотек“ – 27, преку „Филип Втори“ (Жан Митрев) – 17 и преку „Систина“, со PCR метода, – 45. Досега во земјата се направени вкупно 11.870 тестирања на ковид-19.
На Инфективната клиника во Скопје се примени осум пациенти. Вкупно се хоспитализирани 55 од кои 17 добиваат кислородна поддршка, а пет се приклучени на механичка вентилација.
Во ГОБ „8 септември“ примени се седум нови пациенти и таму во моментот се хоспитализирани вкупно 34 лица од кои седум пациенти се приклучени на респираторна машина. Од болницата, со дозвола на ДЗСИ, се испишани тројца, сè уште позитивни, пациенти, но во добра општа состојба кои продолжуваат со лекување во домашни услови и под постојан лекарски надзор и редовни контролни брисеви.
Во болницата во Битола, се посочува во дописот на МЗ, се хоспитализирани 13 пациенти, од нив три се на кислородна поддршка. На домашно лекување се следат уште 15 пациенти.
Во штипската болница во моментот се лекуваат пет позитивни пациенти на коронавирус, додека испишано е едно четиричлено семејство. Нивните први контролни брисеви се негативни, а пациентите се во општа добра состојба. До вториот негативен контролен брис, информираат од МЗ, пациентите ќе бидат под редовен лекарски надзор. Преку болницата во Штип се следат уште 20 пациенти кои се лекуваат во домашни услови.