Дневен ковид-19 биланс за последните часа во земјава без смртен случај. Министерството за здравство (МЗ) информира дека Институтот за јавно здравје (ИЈЗ) денеска регистрира 24 излекувани пациенти и тоа од Скопје – 11, од Куманово – 10, од Тетово – 1 и од Велес – 2.
Во изминатите 24 часа се направени се 275 тестирања, при што се потврдени 20 нови случаи на ковид-19 и тоа кај лица од Скопје – 12, од Куманово – 1, од Прилеп – 3, од Тетово – 2, од Битола – 1 и од Гостивар – 1.
Вкупната бројка на ковид дијагностицирани лица во нашата земја од почетокот на епидемијата изнесува 1.642, бројката на оздравени пациенти е 1.136, на починати е 91, а бројот на активни случаи во земјата во моментот изнесува 415. По завршување на епидемиолошката анкета, еден од вчера регистрираните случаи во Куманово е жител на Кратово и согласно ова последната дистрибуција по градови е следна:
Скопје – 550, активни 132
Куманово – 408, активни 53
Дебар – 51, активни 0
Штип – 35, активни 2
Прилеп – 176, активни 68
Тетово – 110, активни 54
Струга – 67, активни 16
Велес – 107, активни 49
Битола – 23, активни 4
Охрид – 15, активни 9
Кавадарци – 5, активни 1
Гостивар – 19, активни 5
Гевгелија – 4, активни 0
Струмица – 2, активни 0
Крива Паланка – 6, активни 2
Радовиш – 4, активни 0
Крушево – 3, активни 0
Кочани – 31, активни 5
Пробиштип – 2, активни 0
Кичево – 2, активни 1
Неготино – 9, активни 7 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 2
Делчево – 1, активни 1
Валандово – 1, активни 1
Виница – 2, активни 0
Кратово – 2, активни 2
Берово – 1, активни 1
Направените 275 теста се преку ИЈЗ – 185, преку Ветеринарен факултет – 15, преку „Авицена“ – 0, преку „Биотек“ – 32, преку Клиниката „Филип Втори“ (Жан Митрев) – 2, преку „Систина“, со PCR метода, – 24 и преку МАНУ – 17. Досега во земјата се направени вкупно 19.096 тестирања на ковид-19.
Во изминатото деноноќие на Клиниката за инфективни болести и фебрилни состојби се примени тројца пациенти, а вкупно хоспитализирани се 42. На кислородна поддршка се 20, а на механичка вентилација 3 пациенти.
Во ГОБ „8 септември“ се примени двајца пациенти, а вкупно хоспитализирани се 16. На респираторна машина се четворица од нив.
Во болницата во Битола нема хоспитализирани позитивни или сомнителни на ковид-19, а на домашно лекување се следат тројца пациенти. Во болницата во Штип се хоспитализирани вкупно шест лица, а едно се следи на домашно лекување. На инфективните одделенија во Прилеп, во Велес, во Куманово и во Охрид сe хоспитализирани 54 пациенти, позитивни и сомнителни на ковид-19.