Две починати лица, 19 новозаболени и 126 излекувани е билансот за ковид-19 во земјава во изминатите 24 часа, информираат од Министерството за здравство. Двата смртни случаја се регистрирани во ГОБ „8 септември“ кај пациентка од Липково на возраст од 49 години која била примена на 3 април со потешкотии во дишење и веднаш поставена на респиратор и кај 73 годишен пациент од Скопје кој бил хоспитализиран на 19 април во многу тешка општа состојба
Од МЗ истакнуваат дека на Институтот за јавно здравје (ИЈЗ) денеска се евидентирани 126 излекувани пациенти од Скопје – 22, од Штип – 1, од Струга – 19, од Охрид – 1, од Велес – 6, од Гевгелија – 3, од Кавадарци – 1, од Крива Паланка – 1 и од Куманово – 72.
Во изминатите 24 часа се направени 335 тестирања пришто се потврдени 19 нови случаи на ковид-19 и тоа во Скопје – 3, во Куманово – 8, во Прилеп – 2, во Струга – 2, во Велес – 2, во Гостивар – 1 и во Виница – 1. Со нив, вкупната бројка на ковид-19 дијагностицирани случаи во нашата земја изнесува 1.386, а последната дистрибуција по градови е следна:
Скопје – 471
Куманово – 371
Дебар – 51
Штип – 34
Прилеп – 141
Тетово – 73
Струга – 64
Велес – 66
Битола – 19
Охрид – 15
Кавадарци – 5
Гостивар – 15
Гевгелија – 4
Струмица – 2
Крива Паланка – 5
Радовиш – 4
Крушево – 3
Кочани – 28
Пробиштип – 2
Кичево – 2
Неготино – 4
Демир Хисар – 1
Македонски Брод – 2
Пехчево – 1
Валандово – 1
Виница – 2
Направените 335 теста се преку: ИЈЗ – 290, Ветеринарен факултет – 0, „Авицена“ – 0, „Биотек“ – 25, Клиниката „Филип Втори“ (Жан Митрев) – 0, „Систина“, со PCR метода – 15 и МАНУ – 5. Досега во земјата се направени вкупно 15.120 тестирања на ковид-19.
На инфективната клиника во Скопје се примени тројца нови пациенти, а во моментот се хоспитализирани вкупно 62. Пет од нив се поставени на механичка вентилација и 25 со потешка слика и кислородно зависни. Останатите пациенти се стабилни.
Во ГОБ „8 септември“ се примени шест нови пациенти, а вкупно се хоспитализирани 29. Со потешка клиничка слика се пет пациенти, а на респираторна машина се вкупно седум.
Во Болницата во Битола се лекуваат седум пациенти од кои еден е во тешка општа состојба и на кислородна поддршка, а на домашно лекување се следат 12 пациенти. Во болницата во Штип се хоспитализирани двајца пациенти, а на домашно лекување се следат уште девет и нивната состојба е стабилна.