Еден починат пациент, 14 новозаболени и 20 излекувани е билансот на ковид-19 во земјата за последните 24 часа, информираат од Министерството за здравство (МЗ). Во ГОБ „8 септември“ почина 61 лице од Тетово кое било хоспитализирано на 28 април.
Од МЗ истакнуваат дека денеска на Институтот за јавно здравје (ИЈЗ) се регистрирани 20 оздравени пациенти и тоа од Скопје – 1, од Куманово – 9, од Прилеп – 2, од Велес – 7 и од Битола – 1.
Во изминатите 24 часа се направени 242 тестирања, при што се потврдени 14 нови случаи на ковид-19 и тоа во Скопје – 5, во Прилеп – 2, во Тетово – 1 и во Велес – 6.
Согласно ова, вкупната бројка на ковид дијагностицирани пациенти во нашата земја од почетокот на епидемијата изнесува 1.586, бројката на оздравени пациенти е 1.099, на починати е 90, а бројот на активни случаи во земјата во моментот изнесува 397. Последната дистрибуција по градови е:
Скопје – 531, активни 130
Куманово – 404, активни 61
Дебар – 51, активни 0
Штип – 35, активни 2
Прилеп – 169, активни 62
Тетово – 96, активни 42
Струга – 67, активни 16
Велес – 101, активни 46
Битола – 22, активни 3
Охрид – 15, активни 9
Кавадарци – 5, активни 1
Гостивар – 17, активни 3
Гевгелија – 4, активни 0
Струмица – 2, активни 0
Крива Паланка – 6, активни 2
Радовиш – 4, активни 0
Крушево – 3, активни 0
Кочани – 31, активни 5
Пробиштип – 2, активни 0
Кичево – 2, активни 1
Неготино – 9, активни 7 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 1
Пехчево – 2, активни 2
Делчево – 1, активни 1
Валандово – 1, активни 1
Виница – 2, активни 1
Кратово – 1, активни 1
Направените 242 теста се преку ИЈЗ – 107, преку Ветеринарен факулет – 11, преку „Авицена“ – 3, преку „Биотек“ – 38, преку Клиниката „Филип Втори“ (Жан Митрев) – 42, преку „Систина“, со PCR метода, – 22 и преку МАНУ – 19. Досега во земјата се направени вкупно 18.410 тестирања на ковид-19.
Во изминатото деноноќие на Клиниката за инфективни болести и фебрилни состојби се примени двајца пациенти со потешка клиничка слика, а вкупно се хоспитализирани 42. На кислородна поддршка се 16, а на механичка вентилација четири лица.
Во ГОБ „8 септември“ се примени четворица нови пациенти, а вкупно се хоспитализирани 20. На респираторна машина се двајца пациенти и уште двајца со потешка клиничка слика.
Во болницата во Битола се лекува еден пациент, а на домашно лекување се следат двајца пациенти. Во болницата во Штип се хоспитализирани вкупно пет позитивни лица на ковид-19, а уште еден пациент се следи на домашно лекување. На инфективните одделенија во Прилеп, во Велес, во Куманово, во Охрид и во Тетово сe хоспитализирани 46 пациенти, позитивни и сомнителни на ковид-19.