Едно починато лице, 15 новозаболени и 45 излекувани е билансот на ковид-19 во земјава за изминатите 24 часа, соопштуваат од Министерството за здравство (МЗ). На Инфективната Клиника во Скопје, како што истакнуваат од МЗ, починал 61 годишен пациент од Струга, со повеќе коморбидитети и тешка форма на болеста кој бил хоспитализиран на 24 април.
Денешниот ден воедно е прв од почетокот на панедмијата без прием на нови позитивни или сомнителни пациенти на Клиниката за инфективни болести и фебрилни состојби во Скопје од каде се испишани осум пациенти, а моментно се хоспитализирани 39 пациенти. Дваесет од нив се потешко болни и на кислородна поддршка и еден во критична состојба и на механичка вентилација.
Од Министерството за здравство и информација за 45 оздравени пациенти што ги регистрира Институтот за јавно здравје (ИЈЗ) од кои 19 од Скопје, 25 од Куманово и едно лице од Прилеп.
Во изминатите 24 часа се направени 199 тестирања, а потврдени се 15 нови случаи на ковид-19 и тоа во Скопје два, во Куманово седум, во Прилеп четири, во Тетово еден и во Струга еден.
Лабораторијата на Клиниката „Жан Митрев“ достави допис до ИЈЗ за исправка на позитивни резултати за 3 лица (2 од Скопје и 1 од Битола) пријавени на 24 април. Трите лица се всушност негативни, а причина за грешката е најверојатно контаминација на материјалот. Кај трите лица е направен тест на оригиналниот материјал на 25 април, но и на нов брис по што се добиени негативни резултати, а истите лица се тестирани и преку ИЈЗ и тие резулатати се негативни.
Согласно ова, вкупната бројка на дијагностицирани лица со ковид-19 во нашата земја изнесува 1.506, бројката на оздравени пациенти е 852, на починати е 82, а во моментот како активни случаи во земјата се водат 572.
Последната дистрибуција по градови е следна: Скопје – 509, Куманово – 400, Дебар – 51, Штип – 34, Прилеп – 157, Тетово – 85, Струга – 67, Велес – 77, Битола – 19, Охрид – 15, Кавадарци – 5 , Гостивар – 17, Гевгелија – 4, Струмица – 2, Крива Паланка – 5, Радовиш – 4, Крушево – 3, Кочани – 31, Пробиштип – 2, Кичево – 2, Неготино – 9 (*7 заболени лица од ПЕ Неготино се жители на Демир Капија), Демир Хисар – 1, Македонски Брод – 2, Пехчево – 2, Делчево – 1, Валандово – 1 и Виница – 2.
Направените 199 теста се преку ИЈЗ – 179, преку Ветеринарен факултет – 0, преку „Авицена“ – 0, преку „Биотек“ – 0, преку Клиниката „Филип Втори“ (Жан Митрев) – 0, преку „Систина“, со PCR метода – 10 и преку МАНУ – 10. Досега во земјата се направени вкупно 16.997 тестирања на ковид-19.
Во изминатото деноноќие во ГОБ „8 септември“ се примени девет нови пациенти, а вкупно хоспитализирани се 29. На респираторна машина се четворица пациенти и уште тројца имаат потешка клиничка слика.
Во болницата во Битола се лекуваат четворица пациенти, а на домашно лекување се следат тројца. Во болницата во Штип се хоспитализирани двајца пациенти, а уште четворица се следат на домашно лекување. На инфективните одделенија во Прилеп, во Велес, во Куманово, во Охрид, во Гостивар и во Тетово се хоспитализирани вкупно 47 позитивни и суспектни на Ковид-19.