Едно починато лице, 44 излекувани и 13 новозаболени е билансот за ковид-19 во земјата во последното деноноќие, информираат од Министерството за здравство (МЗ). Смртниот случај е во ГОБ „8 септември“ каде почина пациент од Прилеп на возраст од 55 години кој бил хоспитализиран на 22 април и 13 дена бил приклучен на респираторна машина. Во дневниот извештај на МЗ е додаден и пациент кој починал на 4 мај во болницата во Битола, бил суспектен на коронавирусот што бил потврден преку посмртно земениот брис.
Министерството за здравство информира дека на Институтот за јавно здравје денеска се регистрирани 44 оздравени пациенти и тоа од Скопје – 5, од Куманово – 12, од Прилеп – 9, од Велес – 12, од Битола – 2, од Кавадарци – 1, од Крушево – 1 и од Неготино – 2.
Во изминатите 24 часа, пак, се направени 292 тестирања, а потврдени се 13 нови случаи на ковид-19 и тоа во Куманово – 1, во Прилеп – 3, во Тетово – 3, во Велес – 5 и во Битола – 1.
Согласно ова вкупната бројка на ковид дијагностицирани лица во нашата земја од почетокот на епидемијата изнесува 1.539, бројката на оздравени пациенти е 1.057, на починати е 88, а во моментот бројот на активни случаи во земјата изнесува 394. Последната дистрибуција по градови е следна:
Скопје – 515
Куманово – 402
Дебар – 51
Штип – 34
Прилеп – 162
Тетово – 93
Струга – 67
Велес – 86
Битола – 20
Охрид – 15
Кавадарци – 5
Гостивар – 17
Гевгелија – 4
Струмица – 2
Крива Паланка – 5
Радовиш – 4
Крушево – 3
Кочани – 31
Пробиштип – 2
Кичево – 2
Неготино – 9 (*7 заболени лица од ПЕ Неготино се жители на Демир Капија)
Демир Хисар – 1
Македонски Брод – 2
Пехчево – 2
Делчево – 1
Валандово – 1
Виница – 2
Кратово – 1
Направените 292 теста се преку ИЈЗ – 170, преку Ветеринарен факултет – 23, преку „Авицена“ – 10, преку „Биотек“ – 30, преку Клиниката „Филип Втори“ (Жан Митрев) – 23, „Систина“, со PCR метода, – 12 и преку МАНУ – 24. Досега во земјата се направени вкупно 17.836 тестирања на ковид-19.
Во изминатото деноноќие на Клиниката за инфективни болести и фебрилни состојби е примен еден пациент, а вкупно се хоспитализирани 42. На кислородна поддршка се 15, а на механичка вентилација се тројца пациенти.
Во ГОБ „8 септември“ се примени пет нови пациенти, а вкупно се хоспитализирани 17. На респираторна машина е еден пациент, а уште четворица имаат потешка клиничка слика.
Во болницата во Битола се лекуваат тројца пациенти, а на домашно лекување се следи еден пациент. Во болницата во Штип се хоспитализирани вкупно четворица, а уште тројца се следат на домашно лекување. На инфективните одделенија во Прилеп, во Велес, во Куманово, во Охрид и во Тетово се хоспитализирани 54 позитивни и суспектни на ковид-19.