Институтот за Јавно Здравје (ИЈЗ) евидентира 48 излекувани пациенти од ковид-19, а Министерство за здравство информира за 28 новозаболени лица и едно починато во земјата во изминатите 24 часа. Смртниот случај е регистриран во ГОБ „8 септември“ кај лице од Скопје на возраст од 51 година, кој бил примен во болницата на 9 април во тешка состојба и веднаш поставен на респираторна машина.
Во изминатото деноноќие се регистрирани 48 излекувани пациенти. Шест од нив од болничко лекување и 42 кои се третираа во домашни услови. Излекувани пациенти на домашно лекување се евидентирани во: Куманово – 1, во Битола – 1, во Скопје – 19, во Тетово – 16, во Штип – 1 и во Радовиш – 4.
.Во изминатите 24 часа се потврдени 28 нови случаи на ковид-19. По градови: Скопје – 11, Куманово – 2, Прилеп – 9, Тетово – 2, Велес – 3 и Валандово – 1. Со ова вкупната бројка на дијагностицирани пациенти со ковид-19 во нашата земја изнесува 1.259, а последната дистрибуција по градови е:
Скопје – 422
Куманово – 342
Дебар – 51
Штип – 34
Прилеп – 126
Тетово – 62
Струга – 55
Велес – 62
Битола – 17
Охрид – 15
Кавадарци – 4
Гостивар – 13
Гевгелија – 4
Струмица – 2
Крива Паланка – 4
Радовиш – 4
Крушево – 3
Кочани – 28
Пробиштип – 2
Кичево – 2
Неготино – 2
Демир Хисар – 1
Македонски Брод – 2
Пехчево – 1
Валандово – 1
Во изминатото деноноќие се направени 660 теста. Преку ИЈЗ – 417, преку Ветеринарен факултет – 14, „Авицена“ – 11, „Биотек“ – 46, „Филип Втори“ (Жан Митрев) – 141 и „Систина“ со PCR метода – 31. Досега во земјата се направени вкупно 13.000 тестирања на ковид-19.
На Клиниката за инфективни болести и фебрилни состојби се примени 7, а хоспитализирани се вкупно 63 пациенти. Од нив 21 на кислородна поддршка и 4 на механичка вентилација.
Во ГОБ „8 септември“ примени се седум нови, а вкупно хоспитализирани 43 пациенти. Со потешка клиничка слика се осум, а на респираторна машина се четворица пациенти.
Во болницата во Битола се лекуваат 10 пациенти, а на домашно лекување се следат 14. Во моментот во Штип се хоспитализирани двајца пациенти, а на домашно лекување се следат уште 19.