Министерството за здравство (МЗ) информира дека денеска Институтот за јавно здравје (ИЈЗ) регистрира 36 оздравени пациенти и тоа во Скопје – 19, во Куманово – 1, во Штип – 5, во Прилеп – 4, во Тетово – 1, во Струга – 1, во Велес – 3 и во Гостивар – 2.
На Клиниката за инфективни болести и фебрилни состојби починаа две лица од Прилеп, пациент на возраст од 58 години, хоспитализиран на 19 април и 63 годишен пациент на болничко лекување од 9 април, и двајцата приклучени на механичка вентилација. Во ГОБ „8 септември“ починаа три лица, двајца пациенти од Скопје на 75 и на 58 годишна возраст и двајцата хоспитализирани на 26 април, и пациентка од Тетово на 51 година, хоспитализирана на 12 април.
Пред два дена почина и пациентка од Скопје на Клиниката за онкологија на 71 година. Нејзиниот позитивен резултат на ковид-19 е стигнат во текот на вчерашниот ден.
Во изминатите 24 часа се направени 362 тестирања, а потврдени се 22 нови случаја на ковид-19 и тоа во: Скопје – 11, во Куманово – 2, во Струга – 1, во Велес – 3, во Кавадарци – 2, во Гостивар – 2 и во Неготино – 1.
Со ова вкупната бројка на ковид дијагностицирани во нашата земја изнесува 1.421, бројката на оздравени пациенти е 589, на починати е 71 , а во моментов бројот на активни случаи во земјата изнесува 761. Последната дистрибуција по градови е следна:
Скопје – 486
Куманово – 378
Дебар – 51
Штип – 34
Прилеп – 143
Тетово – 75
Струга – 65
Велес – 69
Битола – 19
Охрид – 15
Кавадарци – 7
Гостивар – 17
Гевгелија – 4
Струмица – 2
Крива Паланка – 5
Радовиш – 4
Крушево – 3
Кочани – 28
Пробиштип – 2
Кичево – 2
Неготино – 5
Демир Хисар – 1
Македонски Брод – 2
Пехчево – 1
Валандово – 1
Виница – 2
Направените 362 теста се преку ИЈЗ – 203, преку Ветеринарен факултет – 8, преку „Авицена“ – 11, пред „Биотек“ – 45, преку „Филип Втори“ (Жан Митрев) – 48, преку „Систина“, со PCR метода, – 25 и преку МАНУ – 22. Досега во земјата се направени вкупно 15.771 тестирања на ковид-19.
На Клиниката за инфективни болести и фебрилни состојби примени се пет нови пациенти, а во моментот се хоспитализирани вкупно 52. Критично болни и на механичка вентилација се тројца пациенти, 25 имаат потешка клиничка слика и добиваат кислородна маска.
Во ГОБ „8 септември“ се примени тројца нови пациенти, а вкупно хоспитализирани се 28. Со потешка клиничка слика се тројца од нив, а на респираторна машина вкупно 6.
Во болницата во Битола се лекуваат шест пациенти, а на домашно лекување се следат осум. Во Штип на болничко лекување има двајца, а на домашно се следат уште шест пациенти. На останатите инфективни одделенија во Прилеп, во Велес, во Куманово, во Гостивар, во Охрид и во Тетово се хоспитализирани вкупно 46 пациенти, позитивни и суспектни на ковид-19.