Три починати лица, 20 новозаболени и 24 излекувани е билансот на ковид-19 во земјата за последните 24 часа, информираат од Министерството за здравство (МЗ).
На Клиниката за инфективни болести и фебрилни состојби во Скопје почина пациентка од Прилеп на 59 годишна возраст која била хоспитализирана на 7 мај, во Општата болница во Велес почина пациент на возраст од 76 години кој бил хоспитализиран на 6 мај, а пациентка од Тетово на возраст од 68 години почина на пат кон инфективната клиника во Скопје.
Од МЗ истакнуваат дека на Институтот за јавно здравје (ИЈЗ) денеска се регистрирани 24 оздравени пациенти и тоа од Скопје – 12, од Прилеп – 7, од Тетово – 3, од Кавадарци – 1 и од Пехчево – 1.
Во изминатите 24 часа се направени 309 тестирања, при што се потврдени 20 нови случаи на ковид-19 и тоа во Скопје – 10, во Прилеп – 5, во Тетово – 4 и во Велес – 1.
Вкупната бројка на ковид дијагностицирани лица во нашата земја од почетокот на епидемијата изнесува 1.694, бројката на оздравени пациенти е 1.229, на починати е 95, а бројот на активни случаи во земјата во моментот изнесува 370. Последната дистрибуција по градови е следна:
Скопје – 579, активни 129
Куманово – 410, активни 46
Дебар – 51, активни 0
Штип – 35, активни 2
Прилеп – 184, активни 56
Тетово – 121, активни 58
Струга – 67, активни 4
Велес – 109, активни 50
Битола – 23, активни 4
Охрид – 15, активни 0
Кавадарци – 5, активни 0
Гостивар – 19, активни 4
Гевгелија – 4, активни 0
Струмица – 2, активни 0
Крива Паланка – 6, активни 2
Радовиш – 4, активни 0
Крушево – 3, активни 0
Кочани – 31, активни 5
Пробиштип – 2, активни 0
Кичево – 2, активни 0
Неготино – 9, активни 5 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 1
Делчево – 1, активни 0
Валандово – 1, активни 1
Виница – 2, активни 0
Кратово – 2, активни 2
Берово – 1, активни 1
Направените 309 теста се преку ИЈЗ – 161, преку Ветеринарен факултет – 16, преку „Авицена“ – 13, преку „Биотек“ – 24, преку Клиниката „Филип Втори“ (Жан Митрев) – 40, преку „Систина“, со PCR метода, – 36 и преку МАНУ – 19. Досега во земјата се направени вкупно 19.739 тестирања на ковид-19.
Во изминатото деноноќие на Клиниката за инфективни болести и фебрилни состојби се примени четворица пациенти, а вкупно се хоспитализирани 38. На кислородна поддршка се 20 пациенти, на механичка вентилација е еден пациент.
Во ГОБ „8 септември“ се примени пет нови пациенти, а вкупно се хоспитализирани 18. На респираторна машина се четворица пациенти и уште тројца имаат потешка клиничка слика.
Во болницата во Битола се хоспитализирани двајца пациенти, а на домашно лекување се следи едно лице. Во болницата во Штип се хоспитализирани вкупно шест лица, а уште едно се следи на домашно лекување.
На инфективните одделенија во Тетово, во Велес, во Куманово, во Прилеп и во Охрид се хоспитализирани 47 позитивни и сомнителни пациенти на ковид-19.