Седум починати пациенти, 165 новозаразени и 128 оздравени е ковид билансот во земјава во последните 24 часа, информираат од Министерството за здравство (МЗ). Од таму посочуваат дека во изминатото деноноќие се направени 1.454 тестирања со позитивни резултати кај 71 лице во Скопје, 20 во Тетово, 15 во Куманово, 14 во Гостивар, по 10 во Штип и во Охрид, по пет во Прилеп и во Ресен, четири во Пробиштип, по три во Струга и во Битола, две во Кичево и по едно лице во Дебар, во Велес и во Македонски Брод.
Институтот за јавно здравје (ИЈЗ) денеска регистрира 128 оздравени пациенти и тоа од Скопје – 97, од Штип – 11, од Тетово – 3, од Велес – 2, од Битола – 2, од Струмица – 1, од Ресен – 11 и од Неготино – 1. Починаа седум пациенти – по двајца од Скопје и од Куманово и по еден од Струга, од Кочани и од Неготино.
На Клиниката за инфективни болести и фебрилни состојби почина пациент на возраст од 55 години, а во ГОБ „8 септември“ починаа двајца пациенти на возраст од 68 години, односно 63 години.
Во болницата во Кавадарци почина пациент од Неготино на возраст од 56 години, во болницата во Кочани почина пациент на возраст од 56 години, а во Куманово починаа двајца пациенти на возраст од 71 година, односно 79 години.
Вкупната бројка на ковид дијагностицирани лица во нашата земја од почетокот на епидемијата изнесува 6.787, бројката на оздравени пациенти е 2.876, на починати е 328, а бројот на активни случаи во земјата во моментот изнесува 3.583. Дистрибуцијата по градови е следна:
Скопје – 3.280, активни 1983
Куманово – 784, активни 232
Дебар – 103, активни 51
Штип – 365, активни 160
Прилеп – 274, активни 48
Тетово – 743, активни 406
Струга – 245, активни 147
Велес – 189, активни 40
Битола – 57, активни 21
Охрид – 190, активни 161
Кавадарци – 21, активни 15
Гостивар – 143, активни 84
Гевгелија – 12, активни 5 (*2 лица од ПЕ Гевгелија се жители на Богданци)
Струмица – 16, активни 9
Крива Паланка – 15, активни 9
Радовиш – 4, активни 0
Крушево – 7, активни 4
Кочани – 73, активни 20
Пробиштип – 24, активни 15
Демир Хисар – 2, активни 1
Македонски Брод – 6, активни 4
Пехчево – 6, активни 3
Берово – 3, активни 1
Валандово – 6, активни 2
Виница – 3, активни 0
Делчево – 1, активни 0
Кратово – 4, активни 1
Свети Николе – 34, активни 30
Кичево – 40, активни 34
Ресен – 116, активни 91
Неготино – 21, активни 6 (* 10 лица од ПЕ Неготино се жители на Демир Капија)
Направените 1.454 теста се преку ИЈЗ – 768, преку „Авицена“ – 98, преку „Биотек“ – 90, преку МАНУ – 180, преку Клиниката „Жан Митрев“ (Филип Втори) – 143, преку Судска медицина – 11, преку „Систина“ со PCR метода – 108 и преку ЦЈЗ Битола – 56. Досега во земјата се направени вкупно 64.837 тестирања на ковид-19.
На Инфективната клиника во изминативе 24 часа се примени тројца пациенти, а вкупно се хоспитализирани 89. На кислородна поддршка се 53 пациенти, нема пациенти на механичка вентилација. Во болницата во Козле се хоспитализирани 30 возрасни пациенти, позитивни на ковид-19, и пет деца позитивни на вирусот.
Во ГОБ „8 септември“ се примени 18 нови пациенти, вкупно се хоспитализирани 130 од кои девет се поставени на респираторна машина.
Во болницата во Битола се хоспитализирани 37 пациенти, а во болницата во Штип – 40 пациенти. На инфективните одделенија во Тетово, во Охрид, во Велес, во Куманово, во Прилеп и во Гостивар се хоспитализирани 91 пациенти, позитивни и сомнителни на Ковид-19.
Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)
Чаир – 424
Аеродром – 154
Бутел – 163
Гази Баба – 193
Центар – 143
Карпош – 167
Сарај – 148
Кисела Вода – 121
Ѓорче Петров – 113
Студеничани – 113
Шуто Оризари – 90
Арачиново – 54
Илинден – 32
Петровец – 16
Чучер Сандево – 19
Сопиште – 14
Зелениково – 6
Странец – 2
Нераспределен- 11