Американската академија за науки (ПНАС) објави студија која укажува дека климата на Земјата во 2030 година ќе биде иста како и пред три милиони години.

Се работи за периодот во средината на плиоценот, кога на Земјата владеела суша, Северна и Јужна Америка се уште не биле споени, а Гренланд не бил окован во мраз. Нивото на океаните тогаш било 18 метри повисоко од сегашното. Просечната температура била за 1,8 до 3,6 степени повисока од сегашната, пренесува Дејли Меил.

Драматични промени за кратко време

-Одиме кон драматични промени во исклучително краток период, вели Џејк Вилијамс, професор по наука за Земјата и стручњак за палеоекологија и климатологија на Универзитетот во Висконсин.

Доколку продолжи испуштањето на јаглерод диоксид во атмосферата во мерка во која сега се испушта, до 2150 година Земјата ќе с еврати во состојба во која била пред 50 милиони години, проценуваат истражувачите кои работеле на истражувањето.

Тоа значи дека нашата планета ќе се врати во зачетоткот на еволуцијата на првите цицачи, во време кога диносаурусите одамна се изумрени.

Некои видови ќе исчезнат

Вилијамс истакнува дека Гренланд нема да стане зелен во следниот век, бидејќи на замрзнатите делови на половите на Земјата им треба долго време да се растопат.

За тоа време нивото на океаните нема да порасне за цели 18 метри, но ненадејното загревање би можело д абиде изненадување за некои видови на кои им биле потребни милиони години за да се развијат во сегашната форма.

Од тоа, коавторот на истражувањето заклучува дека многу видови ќе исчезнат.

-Тоа упатува на заклучок дека може да влијаеме на нашата историја и на историјата на Земјата, за да ги разбереме сегашните промени и да се прилагодиме на нив, вели Вилијамс.