Овие медали се освоени претставувајќи ги Челзи и Англија, и тоа е чест која никој никогаш нема да може да ми ја одземе, порача 21-годишниот англискиот дефанзивец.
Маскирани разбојници го обиле домот на фудбалерот на актуелниот европски првак, Челзи, и англиски репрезентативец, Риз Џејмс, при што му се украдени златниот медал од Лигата на шампиони и среброто од ЕУРО2020.
Џејмс на Инстаграм објави секвенци од безбедносните камери на кои се гледа како четворица разбојници со качулки на главите насилно влегуваат во неговиот дом.
– Група кукавички разбојници ми го обија домот. Успеаја да подигнат тежок сеф во кои има некои мои лични предмети и да го внесат во автомобил, напиша Џејмс.
Тој додаде дека му се украдени медалите од Лигата на шампиони и од Европското првенство.
– Овие медали се освоени претставувајќи ги Челзи и Англија, и тоа е чест која никој никогаш нема да може да ми ја одземе, порача 21-годишниот англискиот дефанзивец.
Грабежот бил извршен ноќта на 14 септември, додека Џејмс со својот Челзи играше против Зенит на стартот на Лигата на шампиони.