Првата пленарна седница на Собранието за годинава ќе започне утре, а една од точките на дневниот ред е ратификација на договорот меѓу Македонија и Европската Унија за оперативните активности спроведени од страна на Агенцијата за европска гранична и крајбрежна стража во Република Северна Македонија (Договорот со ФРОНТЕКС). На предложениот дневен ред на оваа 99. седница ставени се 15 точки, главно закони.
На денешната прва понеделничка координација со претседателот на Собранието Талат Џафери биле договорени тековните активности на пратениците. Освен утрешната, следна нова пленарна седница е договорена за последната недела од јануари, додека на 26 јануари е планирано да се одржи првата седница за пратеничка прашања.
На координативната средба не присуствувале првите луѓе на пратеничките групи од опозицијата, меѓу кои и на опозициската ВМРО-ДПМНЕ Никола Мицевски.
Минатата 2022 година, Собранието одржа 39 нови седници, а заедно со продолженијата од претходно 50. Одржани се осум седници за пратенички прашања, имало четири обраќања на странски гости и едно на претседателот на државата. На овие 39 седници имало 290 усвоени точки на дневниот ред, од кои 190 се разгледани, а 100 неразгледани.