На девизните пазари вредноста на доларот во однос на кошничката валути минатата недела падна на најниско ниво за повеќе од три години, но во петокот поради конфликтот меѓу Израел и Иран малку ја подобри својата вредност.
Индексот на доларот кој ја мери вредноста на американскиот долар во однос на шест главни валути, се намали за 1,1 процент на 98,14 поени.
Вредноста на еврото порасна за 1,4 проценти и се разменуваше за 1,1550 долари.
Американската валута ослабе и во однос на јапонскиот јен, за 0,5 проценти, при што доларот се намали на 144,10 јени.
Падот на доларот која се случува втора недела по ред во голема мера се должи на неизвесноста на инвеститорите околу нејасната и каприциозна тарифна политика на американскиот претседател Доналд Трамп. Како резултат на тоа, индексот на доларот падна на само 97,80 поени во четврток, што е најниско ниво од март 2022 година.
Цените на акциите паднаа на глобалните берзи, бидејќи инвеститорите стравуваа од поширок конфликт на Блискиот Исток откако Израел го нападна Иран. На Волстрит, Дау Џонс падна за 1,3 проценти на 42.197 поени минатата недела, додека S&P 500 се лизна за 0,4 проценти на 5.976 поени, а композитниот индекс Насдак падна за 0,6 проценти на 19.406 поени, пренесува Индекс.