Људмила Навалнаја, мајката на Алексеј Навални, побара од рускиот претседател Владимир Путин да го предаде телото на нејзиниот син.
„Владимир Путин… дозволете ми конечно да го видам мојот син“, рече Навалнаја во видео пораката, што ја пренесе Ројтерс.
Навалнаја и адвокатот на нејзиниот син отпатуваа во текот на викендот во озлогласената казнена колонија „Поларен волк“ ИК-3 на северот на Русија на Арктикот, каде што Навални беше задржан од минатата година, за да го пронајдат неговото тело, но добија контрадикторни информации од различни институции.
Навални (47) почина во затвор на 16 февруари во 14.17 часот по локално време, изјави неговиот официјален портпарол Кира Јармиш, цитирајќи ја пораката од мајката на Навални и оспорувајќи го официјалното објаснување на Русија дека Навални починал по пад во казнената колонија на Арктикот.
Рускиот опозициски лидер отслужуваше повеќедецениска затворска казна по различни обвиненија, од кои последното беше 19-годишна затворска казна по шест точки.
Тој беше зад решетки откако се врати од Германија во јануари 2021 година поради обвиненијата што ги отфрли како политички мотивирани.
Извор: Гардијан
Подготви: А. В.