Логично и легитимно е претседателот на државата мандатот за состав на нова влада да му го предаде на СДСМ по неуспешниот обид на ВМРО-ДПМНЕ да обезбеди парламентарно мнозинство, смета Демократскиот сојуз.
– И покрај укажувањата на експертите и Уставните решенија, мандатот да го даде на партијата или партиите што имаат мнозинство во Парламентот, Ѓорге Иванов, мандатот го даде на ВМРО ДПМНЕ, со што го прекрши Уставот и овозможи огромна предност на мандатарот Никола Груевски да формира Влада, но обидот остана без резултат. Сега во интерес на стабилноста, националните, државните и интересите на граѓаните е да се избере Влада која ќе обезбеди стабилност, владеење на правото и ќе спроведе длабоки реформи, порачува ДС.
Оттаму велат мнозинство можно е веќе и да има и извесно е дека одговорноста за состав на нова Влада ќе биде и на СДСМ, но и на другите партии.
– Инаку не ни се потребни отворање на вештачки дилеми околу Уставните решенија или повторно избори, мнозинството граѓани (над 612.000) се определени за промени и стабилност. Затоа од сите партии се очекува разумно и одговорно однесување и водење сметка за државните интереси, реагира Демократскиот сојуз.