Тоа најверојатно се должи на реалните промени во функционирањето на болницата, под притисок на јавноста по трагичниот настан. ДСЗИ ќе продолжи со вонредни надзори и врз оваа болница, но и врз сите останати Ковид центри, секогаш кога ќе добие пријава или по допрен глас – соопштија денеска од ДСЗИ.
Четири дена по катастрофалниот пожар во модуларната болница во Тетово во кој загинаа 14 лица, а 12 беа повредени и по информациите дека и натаму блиски членови на семејствата се грижат за заболените од коронавирусот, инспектори на ДСЗИ во неделата направија вонреден надзор.
– Државниот санитарен и здравствен инспекторат (ДСЗИ) на 12.09. 2021 година (недела), при допрен глас дека во Ковид центарот при Клиничката болница во Тетово има цивили, членови на заболени од ковид – 19, изврши вонреден инспекциски надзор во Клиничката болница. Во моментот на инспекцискиот надзор, инспекторите не затекнаа надворешни лица и не констатираa повреда на законот. Тоа најверојатно се должи на реалните промени во функционирањето на болницата, под притисок на јавноста по трагичниот настан. ДСЗИ ќе продолжи со вонредни надзори и врз оваа болница, но и врз сите останати Ковид центри, секогаш кога ќе добие пријава или по допрен глас – соопштија денеска од ДСЗИ.