Не се најдени патогени бактерии на работните површини и во испироците од раце на вработените во „Гала кујна“, соопшти денеска Државниот санитарен и здравствен инспекторат, во врска знаците на труење кај седум деца кои биле на Академијата на ФФМ кои конзумирале храна од Гала Кујна.
-Земениот примерокот вода одговара на законските и стручни прописи, согласно Правилникот за безбедноста на водата (Сл. весник на РМ 46/08), додека примероците на храна не одговараат за употреба согласно Правилникот за посебните барања кои се однесуваат на микробиолошките критериуми на храната (Сл. весник на РМ бр.100/2013) за што е надлежна Агенцијата за храна и ветеринарство, се вели во соопштението од ДСЗИ.
Приоа се нагласува дека согласно стручното мислење од Информацијата добиена од ЈЗУ ЦЈЗ Скопје, загадената храна претставува потенцијална можност за настанување на цревни инфекции, заради што постои основано сомнение дека се работи за алиментарна токсоинфекција.
Бидејчи во земените материјали од жива и нежива средина не се изолирани патогени бактерии, а при контролниот инспекциски надзор констатирано е дека се преземени наложените мерки, Државниот санитарен и здравствен инспекторат вчера при контролниот инспекциски надзор, ја симна лентата за забрана за работа и објектот од денеска работи.