Претседателите на ДУИ и на СДСм Али Ахмети и Зоран Заев денеска имале средба на која разговарале за актуелната ситуација.
Ставот на двете партии е дека одлуката за аболиција од претседателот Иванов треба да биде отповикана.
Во таа насока, лидерот на ДУИ Ахмети ја потпишал и Иницијативата за отповикување на Иванов од претседателската функцкија.
Од ДУИ велат дека се разговарало за одлуката на Иванов и како што велат, општо за ситуацијата. Засега нема повеќе детали од средбата.
Ахмети претходно објави дека денеска се сретнал со амбасадорите на САД и на ЕУ во Македонија и дека интензивно работеле за решавање на ситуацијата во корист на граѓаните и да се ставело крај на оваа криза.
Заев пак по средбата со холандскиот амбасадор Ваутер Пломп уште еднаш повтори дека нема да учествуваат, ниту пак ќе дозволат избори на 5 јуни, без прочистен Избирачки список и медиумски реформи.