Демократската унија за интеграција (ДУИ) остро реагира на продолжениот притвор на поранешниот министер за економија, Крешник Бектеши. Според ДУИ, ова претставува селективна правда и политичка одмазда.
„Продолженото притворање на поранешниот министер Крешник Бектеши, додека директните сторители – оние кои се одговорни за безбедноста на децата, како и градоначалниците на општина Кочани – сè уште се на слобода, претставува чист израз на селективна правда и политичка одмазда.
Ова не е само кршење на правните стандарди – туку отворена политичка и партиска дискриминација, што претставува флагрантно кршење на основните принципи на правната држава. Покрај тоа, иако сведоците и родителите на жртвите јасно ги идентификуваа сторителите и побараа одговорност од Министерството за внатрешни работи, само поранешниот министер Бектеши сè уште се држи во изолација – како покритие за да се гарантира слободата на вистинските сторители“, се наведува во соопштението на ДУИ.
Трансакциското обвинителство и актуелната влада продолжуваат брутално да ги кршат сите правни, морални и човечки принципи.
Премиерот, откако јавно му се закани на обвинителот дека ќе извади луѓе на улица против него, сега целосно го покори и се однесува и како обвинител и како судија.
Ако улицата е решението – тогаш дојде време сите граѓани да им се придружат на семејствата на жртвите од Кочани и да бараат правда – мирно, но решително, на улиците, порачуваат од ДУИ.