Двајца навивачи на фудбалската репрезентација на Англија, осудени се денес во Марсеј на затворски казни поради учество во тепачки.

Алекс Бут осуден е на два месеца затвор, додека на другиот Англичанец одредена му е казна затвор во траење од три месеци.

Марсеј за време на викендот беше претворено во арена меѓу руски и англиски навивачи, во очи на натпреварот меѓу фудбалските репрезентации на овие две држави на Европското првенство.

Violence-flares-between-England-fans-and-youths-in-Marseille

Бут, кој 20-от роденден ќе го помине во затворска ќелија во Марсеј, по донесувањето на пресудата молчел, а неговиот татко почнал да вика во судницата.

Тој оценил дека одлуката на Францускиот суд е срамотна, како и дека неговиот син е жртвено јагне и треба да се најдат вистинските хилигани.

УЕФА ги предупреди фудбалските федерации на Англика и Русија дека нивните репрезентации можат да бидат дисквалификувани од Европското првенство, ако се повтори инцидент како тој во Марсеј.

Истовремено, денеска е покрената постапка против Хрватска поради тоа што навивач од таа земја влезе на терен и заедно со фудбалерите го прослави голот против Турција.