Едно починато лице, 16 излекувани и 22 новозаболени е билансот на ковид-19 во земјата за последните 24 часа, истакнуваат од Министерството за здравство (МЗ). Во ГОБ „8 септември“ почина пациентка од Скопје на 79 годишна возраст која била хоспитализирана како сомнителна на коронавирусот на 13 мај, а два дена подоцна била потврдена како позитивна.
Според МЗ на Институтот за јавно здравје (ИЈЗ) денеска се регистрирани 16 оздравени пациенти и тоа во Скопје – 8, во Прилеп – 2, во Струга – 2, во Велес – 2, во Гостивар – 1 и во Кратово – 1.
Во изминатите 24 часа се направени 462 тестирања, при што се регистрирани 22 нови случаја на ковид-19 и тоа во Скопје – 9, во Куманово – 1, во Прилеп – 4, во Тетово – 6, во Велес – 1 и во Охрид – 1.
Вкупната бројка на ковид дијагностицирани лица во нашата земја од почетокот на епидемијата изнесува 1.762, бројката на оздравени пациенти е 1.267, на починати е 98, а бројот на активни случаи во земјата во моментот изнесува 397. Последната дистрибуција по градови е следна:
Скопје – 601, активни 134
Куманово – 414, активни 44
Дебар – 51, активни 0
Штип – 35, активни 1
Прилеп – 197, активни 65
Тетово – 137, активни 74
Струга – 69, активни 4
Велес – 114, активни 48
Битола – 26, активни 7
Охрид – 18, активни 3
Кавадарци – 5, активни 0
Гостивар – 19, активни 2
Гевгелија – 4, активни 0
Струмица – 2, активни 0
Крива Паланка – 6, активни 2
Радовиш – 4, активни 0
Крушево – 3, активни 0
Кочани – 31, активни 4
Пробиштип – 2, активни 0
Кичево – 2, активни 0
Неготино – 9, активни 5 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 1
Делчево – 1, активни 0
Валандово – 1, активни 1
Виница – 2, активни 0
Кратово – 2, активни 1
Берово – 1, активни 1
Направените 462 теста се преку ИЈЗ – 203, преку Ветеринарен факултет – 16, преку „Авицена“ – 10, преку „Биотек“ – 35, преку Клиниката „Филип Втори“ (Жан Митрев) – 94, преку „Систина“ со PCR метода – 4 и преку МАНУ – 100. Досега во земјата се направени вкупно 21.010 тестирања на ковид-19.
Од вкупниот број на направени тестови во изминатото деноноќие, 171 отпаѓа на скринингот од градинките. Преку ИЈЗ се тестирани 80 лица од Битола, а преку МАНУ е тестирано 91 лице од Скопје и сите се негативни.
Во изминатото деноноќие на Клиниката за инфективни болести и фебрилни состојби се примени шест пациенти, од кои четворица се префрлени од ГОБ „8 септември“, а една пациентка е префрлена од Клиниката за гинекологија. Во моментот вкупно се хоспитализирани 46. На кислородна поддршка се 20, а на механичка вентилација се двајца пациенти.
Во ГОБ „8 септември“ се примени осум нови пациенти, а вкупно се хоспитализирани 23. На респираторна машина се шест пациенти и уште двајца имаат потешка клиничка слика.
Во болницата во Битола се хоспитализирани четири лица со ковид-19, на домашно лекување се следат уште двајца пациенти. Во болницата во Штип се хоспитализирани вкупно четворица, нема пациенти кои се следат на домашно лекување. На инфективните одделенија во Тетово, во Велес, во Куманово, во Охрид и во Прилеп се хоспитализирани 48 пациенти, позитивни и сомнителни на ковид-19.