Едно починато лице, 66 нови заболени и 12 оздравени, е билансот за ковид-19 во земјава во изминатите 24 часа, информираат од Министерството за здравство (МЗ). Од таму нагласуваат дека смртниот случај се однесува на лице кое пред два дена почина во болницата „8 септември“, а денеска е пристигнат резултатот од земениот материјал за тестирање кој бил позитивен. Пациентката беше од Скопје на возраст од 76 години и хоспитализирана со симптоми на вирусот, па, согласно конечната потврда за присуство на ковид-19, од МЗ потенцираат дека случај ќе биде евидентиран во денешната статистика на Институтот за јавно здравје (ИЈЗ).
Во изминатите 24 часа се потврдени 66 нови случаи на коронавирус во земјата или по градови: Скопје – 10, Куманово – 27, Штип – 3, Прилеп – 4, Тетово – 5, Струга – 4, Велес – 2, Охрид – 5, Гостивар – 1, Кочани – 3 и Неготино – 2.
Со ова вкупната бројка на дијагностицирани пациенти со ковид-19 во земјава изнесува 974 лица. Според местото на живеење, досега се регистрирани случаи во:
Скопје – 339
Куманово – 262
Дебар – 49
Штип – 31
Прилеп – 89
Тетово – 43
Струга – 47
Велес – 36
Битола – 9
Охрид – 9
Kaвадарци – 3
Гостивар – 10
Гевглелија – 4
Струмица – 2
Крива Паланка – 4
Радовиш – 4
Крушево – 3
Кочани – 25
Пробиштип – 2
Кичево – 1
Неготино – 2
Денеска се регистрирани 12 оздравени пациенти од Скопје кои се лекуваа во домашни услови, а кои по два контролни теста се негативни на коронавирусот.
Во изминатото деноноќие се направени 500 теста. Преку ИЈЗ – 310, преку Ветеринарен факултет – 24, „Авицена“ – 24 , „Биотек“ – 24 и „Филип Втори“ (Жан Митрев) – 118. Досега во земјата се направени вкупно 9.762 тестирања на ковид-19.
На Клиниката за Инфективни болести и фебрилни состојби нема прием на нови пациенти. Хоспитализирани се вкупно 57 од кои 14 на кислородна поддршка и шест на механичка вентилација.
Во болницата „8 септември“ примени се шест нови пациенти, а вкупно хоспитализирани се 34. На респираторна машина се шест лица, а осум имаат потешка клиничка слика.
Во битолската болница, до утрово, се хоспитализрани пет пациенти, сите во подобрена состојба и земени се први контролни брисеви кај тројца од нив, а за денеска е најавен уште еден пациент од Охрид кој ќе биде лекуван во оваа болница. На домашно лекување се следат осум лица.
Во болницата во Штип се лекуваат вкупно осум пациенти, сите се стабилни, а во домашни услови се следат уште 17 пациенти.
Едно лице кое во вчерашната статистика беше евидентирано во Куманово, по завршување на епидемиолошката анкета е утврдено дека е жител на Крива Паланка и согласно тоа е адаптиран денешниот извештај.