Европската комисија нема намера да гради центри за бегалци во Македонија, а Центарот за странци кој сега е во Гази Баба ќе биде преселен во Стенковец, изјавија денеска во Брисел комесарот за миграција Димитрис Аврамопулос и министерот за внатрешни работи Оливер Спасовски.
Тие двајца денеска парафираа Договор за акции спроведени од Агенцијата за европска гранична и крабрежна стража.
Ваков договор ЕК потпиша со Албанија, а следат потписи и со Србија, Босна и Херцеговина и со Црна Гора.
Овој договор ја отвора вратата како што рече министерот Спасовски за поинтензивна соработка заснована на соработка и на доверба и ќе помогне за поефикасно справвување со илегалната миграција. Аврамопулос додаде дека овој договор ќе овозможи, ако треба, оваа европска агенција да направи контроли на граница заедно со националната гранична полиција.
Во однос на Центарот за странци, на новинарско прашање, Спасовски појасни дека постоечкиот објект е во многу лоша состојба, а во него престјуваат страци баратели за азил. Сите извештаи на Евроопската коисија и на Народниот правобранител велат дека овие услови се несоодветнии и затоа Македонија одлучи да земе пари од ИПА фондовите за нов центар за страци што ќе биде сметен во Стенковец.
– Станува збор за површина од 70.000 квадратни метри, но објектот нема да биде со толкава големина. Објектот што сега е помеѓу куќи и згради ќе го преселиме надвор од градот на соодветна локација, изјави Спасовски и додаде дека околу 70 бегалци досега побарале азил и во моментов има мал мал број мигрнти- околу 40.
-Интензитетот на илегалната миграција е зголемен, но таа не оди преку западно-балканската рута, туку преку Албанија, Црна Гора и БиХ, рече Спасовски.
Тврди дека ситуацијата е под конторла и дека во изминатиот период околу 4.700 илегални мигранти се вратени од македонската граница.
Комесарот Аврамопулос на ова додаде дека ЕК не планира да гради Центар за бегалци во Македонија.